Nëse mbushet zemra me dashuri, shkëlqen fytyra. Nëse e ruan një filiz të gjelbër në zemër, zogjtë do të ulen sipër tij për të cicëruar e kënduar magjishëm.
Krijoje lumturinë tënde nga hiçi, kërkoje mes rrënojave, kërko në qoshet e shtigjeve të jetës për çfarëdo shansi të mundshëm të lumturisë. Bëhu ti ai që ia sjell lumturinë vetes tënde, mos prit askënd tjetër ta bëjë këtë. Mos lejo askënd që të të privojë nga e drejta jote për ta jetuar jetën në lumturi. Mos lejo që vitet të të marrin, e ti të shohësh ditët e shkuara dëm. Fokusohu tek gjërat e bukura që të rrethojnë. Patjetër që do të identifikosh burime të pashtershme kënaqësish dhe lumturie, të cilat u falin ditëve të tua gjallëri dhe jetë. Kërko kudo për gjërat që të bëjnë të ndihesh krenar me ditën tënde, të cilën e jetove siç duhet. Zoti nuk na ka krijuar që të vuajmë, por që të bëjmë një jetë të bukur.

Buzëqesh si të ishte hera e parë që gëzohesh!
Qaj, si të ishte hera e fundit që hidhërohesh!
Ji optimist, si të ishte hera e parë që ballafaqohesh me vështirësi!
Duaj, si të ishte hera e fundit që kjo ndjenjë zemrën tënde troket!
Tolero, si të ishte hera e parë që komunikon me njerëz!
Harro, sikur të ishe me memorie të boshatisur!
Jeto, sikur vjen për herë të parë në këtë jetë!
Gjithmonë kujtoje pasazhin hyjnor:”Mos e humbni shpresën tek Zoti, pasi vetëm jobesimtarët e humbasin shpresën tek Zoti.”

Muaji Rexhep, i vitit 1426 hixhri, është muaji kur u nda nga jeta, propaganduesi i islamit, shejhu i Afrikës së Jugut, Ahmed Didat.

Ajo që e dallonte këtë dijetar nga të tjerët, është se ai ishte autodidakt. Ai nuk kishte studiuar në universitete dhe institucione fetare, nuk mbante ndonjë titull shkencor, siç ndodh rëndom tek dijetarët e tjerë. Megjithatë, aftësitë dhe informacioni i tij fetar nuk ishte më pak nga ai i studiuesve akademikë. Ai e fliste shumë mirë si arabishten ashtu dhe anglishten. Kishte një intuitë të admirueshme, memorie të fuqishme dhe përgjigje të gatshme. Kishte udhëtuar në shumë vende të botës, ku kishte debatuar me misionarë të ndryshëm të perëndimit. Këto debate i shfrytëzonte për të mbrojtur por dhe për të nxjerrë në pah vlerat e fesë islame.

Ahmed Didat lindi në vitin 1918 në Indi, prej ku emigroi bashkë me të atin për në Afrikën Veriore. Atje mësoi në shkollat islame, por në adoleshencë vendosi ta braktisë shkollën për të ndihmuar të atin. Puna në institucionet tregtare, i mundësonte të takohej me njerëz të ndryshëm, turistë kryesisht perëndimorë. Falë punës së tij, Didat filloi të jetë i hapur me të huajt dhe kulturat e ndryshme. Ai i dëgjonte vërejtjet e perëndimorëve ndaj kulturës së tij islame, disa prej të cilave buronin nga mungesa  informacionit, e disa të tjera ishin të qëllimshme. I riu Didat, nuk e pati të gjatë heshtjen karshi këtyre vërejtjeve dhe kritikave të padrejta, si ajo e përhapjes së islamit me tehun e shpatës dhe të tjera. Për këtë, i hyri studimit të Biblës, po ashtu dhe teuratit, studioi rrymat e ndryshme të krishterimit dhe filloi debatet. Gjashtë dekada të jetës së tij, ia kushtoi mbrojtjes së Kuranit dhe besimit të tij islam. Ai themeloi institutin e paqes për formimin e ftuesve myslimanë, si dhe qendrën botërore të ftesës islame në qytetin e tij, qendër e cila vazhdon të jetë aktive në dialogun mes feve.

Didat ka hartuar shumë libra të cilat kara arritur tirazh me miliona kopje, të shitura dhe të shpërndara falas.

Pas kthimit të tij nga një tur propagandistik në Australi në vitin 1996, shejh Didat u godit nga një trompozë në tru, e cila i shkaktoi paralizë të plotë. Nëntë vite më vonë, ai ndërroi jetë. Gjatë viteve ku dergjej në shtrat, ai nuk u nda nga të lexuarit dhe komunikimi me librin. Falë kontributit të tij, me mijëra jomyslimanë përqafuan islamin.

Ai ndërroi jetën në muajin Rexhep të vitit 1426 hixhri, 2005 sipas kalendarit diellor.  /ardhmeriaonline/

Insert nga nje video e perkthyer në shqip:

Raporti i fundit i publikuar nga Qendra për Studime dhe Hulumtime Pew, që zgjati 4 vjet dhe janë përfshirë në intervistë 38 mijë persona nga 39 vende dhe 80 gjuhë, rezultoi se shumica e muslimanëve besojnë se Islami është feja e vetme që të çon për në parajsë, krahasuar me një numër të vogël brenda Shteteve të Bashkuara të Amerikës të cilët janë injorantë për këtë fakt.

Rezultatet gjithashtu treguan se shumica e muslimanëve mbështesin aplikimin e ligjit islam dhe e konsiderojnë ligj hyjnor dhe jo njerëzor. Dëshira për aplikimin e ligjit islam rritet tek klasa fetare dhe shumica e tyre gjithashtu mbështesin lidhjen e politikës me fenë dhe se ata mbështesin dijetarët fetarë, të cilët angazhohen në rolin politik pozitiv.

Rezultatet gjithashtu treguan se shumica e muslimanëve besojnë në lirinë e fesë dhe se shumica e tyre urrejnë dhunën përveç në rastet e mbrojtjes së territoreve të pushtuara dhe vendeve islame.

Arnoud Van Doorn, ish anëtar i Partisë së Lirisë ekstreme e krahut të djathtë, anëtar i këshillit bashkiak të qytetit të Hagës, i cili deklaroi konvertimin e tij në Islam në muajin shkurt të këtij viti, ai njoftoi dëshirën e tij për të prodhuar një film në lidhje me Islamin dhe Pejgamberin Muhamed, paqja e Zotit qoftë mbi të.

Arnoud Van Doorn, i deklaroi një gazete zyrtare saudite se qëllimi i filmit është për të korrigjuar imazhin e Islamit, ku politikani holandez kërkonte të shtrembëronte figurën e tij dhe paraqitjen e saj botës përmes filmit të tij “Fitna” që u prodhua në vitin 2008.

Vlen të theksohet se Van Doorn, këto deklarata i bëri gjatë vizitës së tij në Tokën e Shenjtë për të kryer urmen, pas marrjes së ftesës për atë nga autoritetet saudite

Për herë të parë në historinë e parlamentit australian Mehreen Faruqi me origjinë pakistaneze e Partisë së Gjelbër u caktua anëtare e parlamentit australian si pasardhëse e  Cate Faehrmann, e cila do të largohet në qershor të këtij viti për një pozitë në Senat.

Mehreen konsiderohet një aktiviste në fushën e mjedisit dhe akademinë e mjedisit inxhinierik dhe anëtare e Partisë së Gjelbër në zonën e New South Wales. Ajo ka emigruar nga Pakistani në vitin 1992 dhe nga partia u emërua si e para në mesin e shtatë kandidateve për këtë pozitë. /krenaria.com./

Në mbështetje të arsimit modern në mesin e muslimanëve si dhe për të reduktuar largimin e studentëve nga studimi universitar, zyrtarët në Malavi (Republika Malavi ndodhet në pjesën jugore të Afrikës) deklaruan se po bëjnë planifikime për ngritjen e universitetit të parë për studime islame, duke iu përgjigjur dëshirës së studentëve të cilët dëshirojnë të studiojnë shkencat islame.

Pas një takimi të udhëheqësve islamik, zyrtarët konfirmuan se ata janë në proces të angazhimit për të themeluar universitetin islamik duke ndjekur modelin e ekzistimit të universiteteve të drejtuara nga kishat e ndryshme në Malavi me një shumicë të krishterë, ndërsa muslimanët përbëjnë rreth 36% të popullsisë. /krenaria.com/

Të rriturit shumë më rrallë ndiejnë dhimbjen në zonën e veshëve.

Por, dhimbja e veshit më së shpeshti shfaqet tek fëmijët, ndërsa mund të jetë e fortë ose e lehtë, afatshkurtër ose mund të zgjasë me orë. Mund të prekë njërin vesh, ose të dytë, dhe atë në të njëjtën kohë.

Disa njerëz thonë që dhimbja e veshit është një nga llojet më të rënda të dhimbjes, raporton zhurnal. Fatmirësisht, ka ilaçe natyrore të cilat shumë shpejt e lehtësojnë dhimbjen.

Hudhra

Nxehni një thelb hudhre në vaj ulliri. Lëreni të ftohet, duhet të jetë i ngrohtë, por jo shumë. Vajin e derdhni në vesh, lëreni të qëndrojë 5-10 minuta, pastaj ktheni kokën në anë tjetër që vaji të dalë dhe gjatë kësaj përdorni fashë ose pecetë ose diçka që do të thithë vajin. Kurrsesi mos vëni hudhër të gjallë në vesh, sepse mund të nxisë irritimin e lëkurës dhe therje apo djegie.

Kanella

Përzini pak kanellë me vaj ulliri dhe pastaj nxeheni. Kur bëhet e nxehtë, largojeni nga zjarri dhe lëreni që të ftohet derisa të bëhet e vakët. Kulloni përzierjen, ndërsa vajin e vërë në vesh. Lëreni të veprojë 5 deri 10 minuta.

Bar veshi

Siç e ka emërtuar shumë mirë edhe populli, bar veshi është bimë e cila me shekuj përdoret për shërimin e inflamacioneve të ndryshme. Merrni disa gjethe të kësaj bime, preni dhe shtrydhni lëngun në vesh. Lëreni të veprojë disa minuta, dhimbja do të reduktohet. Lëngun e bar veshit mundeni edhe ta nxehni që ta keni sa më përshtatshëm.

www.islamisot.com

I ka vdekur shoku i tij prej kohësh, por ky nuk ia ka fshirë emrin dhe numrin e tij nga telefoni.
Shkaku!!!
Ai thotë: shoku im ka vdekur prej një kohë të gjatë, megjithatë unë nuk ia kam fshirë numrin e telefonit.
Edhe nëse e ndërroj celularin dhe regjistroj emrat nga e para, emrin e tij e vendosi në mesin e emrave dhe numrave tjerë.
E kanë pyetur pse vepron kështu derisa ai ka vdekur?
U përgjigj: nuk e fshijë emrin e tij, ngaqë sa herë që kaloj emrat dhe shoh emrin e tij lutem për atë që Allahu ta mëshirojë.
Sa e bukur është shoqëria kur është e sinqertë.

Përshtati: Valdet Kamberi
www.islamisot.com

Ribery-Shaqiri: E duam një xhami në stadium

Frank Ribery dhe Xherdan Shaqiri janë inicues të një iniciative interesante në skuadrën e Bayern Munchen. Lojtarët musliman të Bayern Munchen i kanë kërkuar skuadrës ndërtimin e një mexhidi e cila do tu shërbejë për të falur namazin.

Shaqiri dhe Ribery kanë hasur në mirëkuptim të drejtuesve bavarez të cilët kanë planifikuar jo vetëm ndërtimin e mexhidit (dhomë e vogël) por të një xhamie të vogël në brendësi të stadiumit.

Xhamia është planifikuar të shërbejë por lojtarë por edhe për tifozë bavarez. Madje në xhami do të ketë një imam, bibliotek dhe ndonjëherë edhe mësime fetare.

www.islamisot.com

Shperndajeni per hir te Allahut…

Zvicër: “Myslimanët janë mirë të integruar”

Sipas vlerësimeve të ekspertëve, jetojnë 350 mijë deri 400 mijë myslimanë në Zvicër.

Nuk janë të nevojshme të ndërmerren masa specifike për të integruar më mirë myslimanët në Zvicër.

Shumica e komunitetit mysliman është pjesë e shoqërisë zvicerane dhe feja e tyre nuk paraqet problem në jetën e përditshme zvicerane.

Në këtë përfundim kanë ardhur agjencitë e ndryshme federale që kanë punuar në bashkëpunim me kantonet rreth një raporti për situatën e myslimanëve në Zvicër.

Sipas vlerësimeve të ekspertëve, jetojnë 350 mijë deri 400 mijë myslimanë në Zvicër. Rreth një e treta e tyre ka shtetësi zvicerane. Tani shumë prej tyre i përkasin brezin e dytë dhe të tretë në Zvicër. Shumica dërrmuese e myslimanëve emigrantë vijnë nga Ballkani perëndimor dhe Turqia.

Komuniteti mysliman në Zvicër nuk është homogjen, thuhet në raport. Dallimet janë të theksuara kryesisht për shkak të prejardhjes kombëtare dhe dallimeve etno-gjuhësore.

Raporti thotë se feja nuk është element shumë i rëndësishëm për identitetin e myslimanëve në Zvicër. Vetëm dymbëdhjetë deri pesëmbëdhjetë për qind prej tyre praktikojnë besimin e tyre, duke shkuar rregullisht në xhami.

Megjithatë, njerëzit e besimit islam, sipas raportit, shpesh ndihen të diskriminuar, si “të huaj” dhe “mysliman”.

Përvojat në jetën e përditshme tregojnë se pikërisht në mesin e myslimanëve me prejardhje të huaj, para së gjithash, barrierat gjuhësore dhe aspektet socio-kulturore janë pengesa të integrimit sesa aspekti religjioz. Prandaj për Këshillin Federal nuk janë të nevojshme masat e veçanta për të evituar dallimet fetare.

Me politikën zvicerane të integrimit njerëzit mund të përgjigjen në mënyrë adekuate për çdo problem të integrimit me njerëzit e besimit islam, thuhet në njoftimin e Këshillit Federal të Zvicrës.

Konfederata dhe kantonet janë gjithashtu të angazhuara tashmë për të forcuar mbrojtjen kundër diskriminimit dhe për të hequr pengesat institucionale.

Qytetarët, institucionet përkatëse dhe viktimat e mundshme duhet të informohen më mirë rreth ligjeve të aplikueshme në Zvicër. Kantonet, komunat dhe qytetet, nga ana tjetër, duhet të ruajnë dialogun ndërfetar dhe tashmë të kërkojnë zgjidhje pragmatike.

www.islamisot.com